Altepetl Kuetlaxkuepa.- ihkuak opeuj motlahtoltia ipan in tlamachtilistli tlen okitemakak ipan internet tlen okiyekanak in tekitkayotl Economía, inin tlamatiani tlen tekiti ipan Organización de las Naciones Unidas para la Educación, la Ciencia y la Cultura (UNESCO, por sus siglas en inglés), Ángel Panero Pardo, okitlatolti tlen ika mamoskatli in economia uan maye kachi tekitl ipan altepeme tlen okitsekok ipampa in kokolistli COVID-19, uelis mochihuas ika tekitl tlen kiyektlalis tekalteko uan mamoskalti nochin kakaltoto, ijko kenin mamotlaltoka tlen kachi xochiujyotl ipan kakaltenko uan ohtlime.

Ijko tel, okitok mamochihua kachi servicios ecosistémicos, kenin moehua in atl, uan mamota kenin mokui in tlali, in tlakualistli, in pakayelistli, medio ambiente uan kanin mochantiske.

Ihkuak tetlahtoltiaya se tlamachtil tlen motokatsa “Desarrollo económico y empleo, claves y consecuencias para la rehabilitación urbana”, okitok tlen altepeme kipia kitemoske tlen moneki makichihuakan in masehualten tlen ompa mochantian momostla, mayeka kachi altepeme melahuak uan tlen makipiaka kachi tekitl.