Altepetl Kuetlaxkuepa.- ihkuak okinonotstikatka nochin in poblanoteka ika mayeka sekni ika makiixnamikika in kokolistli COVID-19, in tekihua Miguel Barbosa Huerta okinahuati tlen mopatlaskia in kaltepatiloyan Centros de Salud con Servicios Ampliados (CESSAs) de la zona metropolitana uan kaltepatiloyan Atlixco, ika makalakika kachi masehualten uan ijko kipalehuitiyeske kachin in tekihuakayotl Kuetlaxkuepa ipan inin kokolistli tlen panotika.

ihkuak mononotstikatka iuan prensa kanin kinahuatiaya tlen ponotika ika inin kokolistli, in tekihua okitok tlen in kaltepatiloyan Traumatología y Ortopedia, de la Secretaría de Salud, tlen ipan inin tonalten kiyektlaliskia ika makin patika akin kokoxki ika kokolistli coronavirus.

Okitok tlen ipan Kuetlaxkuepa moitstika kachi teposnenemi uan masehualten tlen nenentikate, uan miakten masehualten kinenehuilia tlen kuali makisaka ipan ichan, ikinon okitlatauti nochtin poblanoteka mamokahuaka ipan imin chan, amo mamoneloka, uan makikuitika imin kamatlapachyo, uan tlayaui ipan teposnenemi público amo matlejkoka tla yaue miakten masehualten.