Altepetl Kuetlaxkuepa.- In tekihuakayotl kuetlaxkuepa, iuan in tekitkayotl Gobernación, okinahuatike tlen ayakmo mochihuaske in ferias ipan altepetontli nian mochihuas tiankisko ipan nochin altepeme tlen katki ipan kuetlaxkuepa, noijki tlen mochihua ipan Tepeaca, ika amo mamomiakilti in kokolistli COVID-19 (coronavirus), okitok in tlayekanani inon tekitkayotl, David Méndez Márquez.

In tlayekanani okiton tlen, ika in amatl tlen okinahuati tlen moneki mochihuas in tekihua Miguel Barbosa Huerta, uan okiilmamik in tlayekanani Coordinación General de Protección Civil Estatal, Ana Lucía Hill Mayoral, ayakmo mosentlaliske miakten masehualten kanin yesque 50 masehualten, ika amo mamokokoka nochtin akin poblanotekatl.

Iknon, Méndez Márquez okitok tlen melahuak kitepalehuitikate in tlaneltokalisme uan masehualkayotl tlen okiselike ayakmo kichihuaske imin ilhuitl tlen santo niño doctor de enfermos ipan altepetl Tepeaca, ijko kenin kitohua mamochihua ipan inin ueye kokolislti tlen panotika.