Altepetl Kuetlaxkuepa.- Ihkuak otlahtohuaya kenin tlahtohuani tlen kinonotstikatka inin ilhuitl ihkuak moilnamikiaya 489 xihuitl keman omochiuj Kuetlaxkuepa, in cronista Sergio Vergara Berdejo okitok tlen in ueye tekitl tlen in tekihua Miguel Barbosa Huerta kichijtok ika mamopatla San Francisco keninse Centro de Desarrollo, kanin kinelohua nemiliskayotl, tlamamali uan toltekayotl, kuetlaxkuepa kipia se chikahuak tekitl kanin kichikahuas makalaki kachi tomin ipan achtopa ohtlime ipan kuetlaxkuepa.

Kiyekanaya inon ilhuitl in tekihua Barbosa Huerta, okichiuj iixpa itekukuili akin okichichijke kuetlaxkuepa, tlen katki ipan 14 Oriente y Bulevar 5 de Mayo, nochin inon omochiuj kenin kinahuatia mochihuas tleka panotika inon kokolistli uan ijko amo yeske sekni, makikuika imin kamatlapachyotl uan san katka cien masehualten.

Vergara Berdejo okitok tlen inon proyecto San Francisco kichihuas makalaki tomin, achtopa nochin chanejkame ipan inon yeyantli, uan tlen kin palehuis ika makipiaka se kuali imin nemilis, uan kimahuitstiliske tradiciones uan ololten kenin ijko kichijke achtopa 489 xihuitl, akin ijko okinejke kichihuaske inin altepel kuetlaxkuepa.