El Gobernador @MBarbosaMX sostuvo que en uso de sus facultades constitucionales realizó la designación del mando de seguridad municipal de #Puebla, con el propósito de trabajar en favor de la seguridad de las y los poblanos. pic.twitter.com/uuTfsGjBR2
— Gobierno de Puebla (@Gob_Puebla) March 19, 2020
Altepetl Kuetlaxkuepa.- ihkuak okitok tlen ipan topilten tlen tekiti ipan Kuetlaxkuepa okalak tlatsautlakolistli, in tekihua, Miguel Barbosa Huerta, okitok tlen ye kuali kinahuatis akin kitlalis tlen kiyekanas inon tekitkayotl Seguridad Pública ipan kuetlaxkuepa.
In tekihua okitok tlen kitokanotsas se tlayekanani amo kitosneki tlen moneki san mochihuas tlen kineki in tekihuakayotl Kuetlaxkuepa, tleka in tlanahuatil tlen mochijtok iuan in tekihua, Claudia Rivera Vivanco, akin okinahuati tlen katka tlajtek ipan inon topilten sekinten tlakame tlen tlaichteki, uan te tlatsautlakolia.
“In topilten ipan kuetlaxkuepa katkaya tlajtek miakten tlen tlaichteki, tlen tlatsautlakolia, akin kiyekana mouikatinemi iuan tlen amo kualten tlakame, inon nimononotstok iuan tlayekanke ipan kuetlaxkuepa, katki miak tlamantle tlen ijko ki nechtilia, tikpia miak amame tlen kitemotikate akin kalaktikate ipan tlatsautlakolistli, in topilten ipan kuetlaxkuepa ayakmo kikitskiua nian se akin tlaichteki, akin kichihua tlen amo kuali, ¿tleka amo ijko kichijtikate imin tekitl? Tleka ikalaktikate tlajtek inon topilten akin kichihua tlen amo kuali uan tikmati akin ki yekantikate inon tekitl” okitok.