Oriental, Kuetlaxkuepa.- Itekihuakayotl Kuetlaxkuepa kichijtika tekitl sekni iuan tlanemakanime ika maahsika kachi tomin nika uan ijko mamoskaltika uan mayeka kuali ipan Kuetlaxkuepa, okito in tekohua Sergio Salomón ihkuak okiyekanak keman opeuj in tekitl tlen kiueyilis ipan sala de corte ipan planta procesadora de Granjas Carroll de México ipan inin altepetontli.

Iuan okatka Víctor Manuel Villalobos Arámbula, tlayekanani Agricultura uan Desarrollo Rural federal uan akin tlayekana inon compañía, in tekihua okito tlen inin tekitl tlen mochijtika ipan inin planta ye se tlanechtilis tlen ipan Kuetlaxkjuepa katki miak tlamantle kuali ika matekitika nikan miak empresas tlen kineki moskaltiske. Ijko tel, okito tlen Granjas Carroll kuali okikalaki tomin ika matekitika ipan Kuetlaxkuepa, tleka ye kanin kisa miak tlen mochihua tlakuali ipan inepantla to ueye Tlalpan.

Ijko, okito, tlen Kuetlaxkuepa kakti kenin yekpa yeyantli tlen kitekitiltia pitsonakatl, inin ijko mochijtok tlasokamati Inon planta, tlen tekiti kenin kitlayekan in tlanahuatilten uan kichijtika nochin tlen tlanahuatia tenahuatili itech higiene.