Altepetl Kuetlaxkuepa.- Iuan itekihuakayotl Andrés Manuel López Obrador, in tekihuakayotl kuetlaxkuepa kichihuas tekitl itech teposnenemi kenin kalchihualis línea 4 del sistema BRT (Bus Rapid Transit), in kalteposnenemiloyan ipan sur uan ohtli viales, ijko kenin kiyektlaliske kachi in ohtliume ipan chikome regiones uan xochitlan, otenahuati tekihua Sergio Salomón.

Ihkuak monotsataya sankuelpan iuan tlatoani, in tekihua okito tlen ipan línea 4 mochihuas ipan 41 kilometros uejkatlan uan kitlapalehuis kana tres millones akin mochanchihua ipan altepetontli kenin: Puebla, Amozoc, Coronango, Cuautlancingo, San Pedro uan San Andrés Cholula. Okito tlen motlaxtlahuas kana mil 450 millones tomin, tlen motemakas iuan in tekihuakayotl México.

Itech in kalteposnenemiloyan ipan sur, okito tlen mo chihuas ika makalakika ompa teposnenemi, kanin kisaske teposnenemi ipan chikueye ueye altepeme ipan totlalpan México uan ipan oksekinte altepeme. Okito tlen kikalakiske tomin público-privado uan tlen amo tetlahuikiliske kachi tomin itekihuakayotl, tleka tekihuakayotl kitlalis xolal kanin mochihuas uan oksekinten kitlaxtlahuaske nochin tlen mochihuas.

Sergio Salomón okito tlen mochihuas omeohtlime viales, se ipan Ejército de Oriente ipan bulevar 18 de Noviembre-carretera federal a Tehuacán.

Motlaxtlahuas kana 765 millones tomin iuan tekihuakayotl México. Noijki mochihuas okse tekitl kenin inin kanin ka Central de Abasto, kanin katki inahuak Tlaxcala.

In tekihua noijki otenahuati tlen kiyektlalis kachi in ohtli tlen katki ipan kuetlaxkuepa ipan chikome regiones uan xochitlan, mochihuas yankuik kali Congreso de Puebla, ijko kenin tekitl ipan kalmachtiloyan ipan Kuetlaxkuepa.