In tlen opanok ipan Vía Recreativa Metropolitana ipan tonali achtopa domingo 30 abril amo san ijko mokahuas, otenahuati in tekihua Sergio Salomón, akin okitelhui inin tlamantle kanin se ciclista omik satepa tlen okimikti se tlakatl ika iteposnenemi.

Ipan tenonotsali iuan prensa, in tekihua okito tlen motelhuis uan mochihuas tlen kitohua in tlanahuatil ika makikitskika uan kakikaltsakuaka akin okichiuj inon. Noijki okito tlen itekihuakayotl Kuetlaxkuepa, iuan tlayekanke ipan altepetontli, kipalehuitoke ichanejkaua akin omik, noijki oksekinten ciclistas tlen okin kokoke.

Okito tlen itekihuakayotl, ika in tekitkayotl Seguridad Pública y de Movilidad y Transporte, Ikichijtikate sekinten tekitl ika makimalhuika ohtli akin yaui kichihua inon tlamahuiltilis.