Altepetl Kuetlaxkuepa.- Ihkuak okin nahuati tlen motlokolmakaya tlen opanok, okin ilhui tekihuakayome Colombia huan Veracruz, huan akin yahui ipan hueye kalmachtiloyan kanin oyaya inin yeyé telpokame tlen okin mijtike, ijko noijki akin kiuikaya inon tepostli tlen tekitiaya ipan Uber, inin telpokame oki ahsike imin tlakayome ipan kakalatli Santa Ana Xalmimilulco, in tekihua Miguel Barbosa Huerta Okitok tlen inin temiktilistli tlen opanok amo san ijko mokahuas, huan akin otemiktikin kaltsakuaske ipan telpiloyan.

“Nimo tlahtolnamiki tlen amo san ijko mokahuas inin tlamiktilistli tlen opanok, nian okse tlen amo kuali tlen panotika ipan altepetl kuetlaxkuepa. San niman tikinmitaske akin inon temiktilistli okichijke huan melahuak tikin kaltsakuaske huan miak xihuitl yeske ipan telpiloyan”, otlanahuati.

Kenin kitohua in amame tlen kinechtilia in Fiscalía General del Estado (FGE), oki nahuati in tekihua, in tlanahuatiyotl tlen kin makaske inin yeyé tlakame tlen okin kitskike ika makitoka tlen opanok ika inin temiktilistli san niman kin kaltsakuaske.

Okitok tlen in tekihuayotl ipan kuetlaxkuepa, ika in tlayekanani secretario de Gobernación (Segob), David Méndez Márquez, kiitatiyes nochin tlen panotika ipan inin tlamiktilistli huan kipalehuis nochin tlenmoneki ika makitlaltokaka akin iomijke.