Altepetl Kuetlaxkuepa.- “ipan inin yankuik México, ipan inin yankuik kuetlaxkuepa, itikpia tichichihuaske huan titlapatlaske, tipia tiyeske sekni, matimo nemitika chichikahuak kenin in kohuitl tlen kiajkokui in topantli huan matikitskika kenin inin kohuitl totlanahuatili huan tlahtoltlayekanalis ipan inin yankuik to altepetl ika matech palehui nochitin akin timochantia ipan kuetlaxkuepa”, okitok in tlayekanani ik Gobernacion, David Méndez Márquez, ipan ilhuitl tlen mochijtikatka ihkuak kiilnamikiskia Itonali topantli, Iixpa tekihua Miguel Barbosa Huerta.

Iixpa topantli mexicatl, ipan kaltenko kali Aguayo, Méndez Márquez okitok tlen inin tekitl tlen kipiakichihuaske nochtin in tekihuame ipan nahui tlapatlalistli ye mamo patla kenin moyekanaya nochin in altepeme, tlen mamo chikahua ika makiiskalti se yankuik nemiliskayotl, in yolsehuilis, in kualitilistli, in pakilistli, in tepalehuilistli huan in tlanahuatiyotl, ijko, kachi okitok, Kuetlaxkuepa mochihuas se altepetl kanin motlepanitas in tlanahuatiyotl huan kin malhuis nochtin, kitlayekanas kuali nochtin masehualten.