Zacatlán, Kuetlaxkuepa.- Ika mamo nanahuati huan mamotseko kenin moskaltiske kanin mochantiske masehualten huan amo makiitlakoka koujtlatli ipan inin altepetl, in tekitkayotl Medio Ambiente, Desarrollo Sustentable y Ordenamiento Territorial.

Okitlalik se tekitkiloyan ipan inin alteptl kanin kimatiske kenin moskaltiske kakalatli
Ihkuak mononotstikatka, in tlayekanani Beatriz Manrique Guevara, oki nahuati in tekithua Luis Márquez Lecona huan nochin in regidores, ika matekitika ika mamo chihuaka altepeme chichikahuake, tlen moyektlaliske ihkuak ahsitika in tlapatlalis climático huan makichihuakan yankuike tlanahuatilten ikamamo palehuikan, huan amo makiitlakokan in koujtlatli.

“inin tekitl kanin kiyektlaliske kanin mochantiske masehualten mopia mochihuas ipoan nochin altepeme tlen katki ipan kuetlaxkuepa, kitsekos amo mamochantika kanin huetsi, amo makitekika in kohuitl, amo kitlamika in atl, huan amo makisokiyotika atl, noijki, mamomalhuika nochin in koujtlatli kichihua matik piaka altepeme kuakualtsin kanin timochantiske huan ijko kuali moskaltiske”, okitok in tlayekanani.