Altepetl Kuetlaxkuepa.- ika mamo chikahua in tekitl tlen kichihuan huan in tlanahuatilten tlen tepalehuia ika amo matech kokoli se tetsahuitl ipan altepetl kuetlaxkuepa, in Tekitkayotl Gobernación (Segob), ika in tekitl tlen kichihua in Coordinación General de Protección Civil Estatal, otenonots ipan achtopa tlanahuatiyotl ik Consejo de la Alianza del Sector Privado para
Sociedades Resilientes ante Desastres (ARISE) ijko motokanotsa ipan tlahtol inglés.

In tlayekanani CGPCE, Ana Lucía Hill Mayoral, tlen katki ipan Consejo ARISE huan akin oyauj noijki kenin tlayekanani ipan tlatitlanilten tlen kichihua mamoeuaka masehualten ipan kuetlaxkuepa, okitok tlen kichijtika inin tekitl tleka ijko okinahuati in tekihua Miguel Barbosa Huerta, huan itlayekanani ipan Gobernación, David Méndez Márquez, oyauj ompa tleka kinekiaya kichikahuas in tekitl tlen kichijtikate in tekitkiloyan privado, público, kalmachtiloyan huan nochin in masehualten ika mamopalehuika nochtin ihkuak kitsekoske huan kimatiske tlen kichihuaske keman panos se tetsahuitl.

Ijkotek, okitok, mochikahua itekitl tlen kichihua in CGPCE, ika makichihuaka kachi in tlanahuatilten tlen kitsekohua amo makitekokoli keman ye se tetsahuitl ipan altepetl kuetlakuepa.