Altepetl Kuetlaxkuepa.- In tekihuakayotl Kuetlaxkuepa, ika in tekitl tlen kichijtika in tekitkayotl Gobernación (SEGOB), kinahuatis ipan oske chikueye tonali tlen opanok ipan inon ueye koyoujtli tlen omotak ipan altepetontli Juan C. Bonilla, kenin se tlanechtilis tlen mochijtika itech tlen okitake in tlamatinime tlen tekiti ipan Instituto Politécnico Nacional, okinahuati in tlayekanani inon tekitkatyotl, Ana Lucía Hill Mayoral.

In tlayekanani okitok mach, kenin okinahuati in tekihua Miguel Barbosa Huerta, in Comisión Interinstitucional monechikotok sekni ika makimatika tlen tlamantle mochihuas ipan inon yeyantli uan akin ompa mochantia. okinahuati tlen itekihuakayotl kipalehuitok in chanejkahua tlen okin itlako imin chan.

Okse tlamantle, in tlayekanani SEGOB okitok mach in Coordinación General de Protección Civil Estatal, in tekitkayotl Seguridad Pública uan in Dirección de Protección contra Riesgos Sanitarios (DPRIS) okitlachilike 77 kalnemakaloyan uan san chiknaui okin tlatsajke ipan semana 27 kampa 01 octubre; eye tlen okin tlatsajke okichijke ipan 24 horas tlen opanoke.