Altepetl Kuetlaxkuepa.- Amo kitlahtoltikate in masehualten poblanoteka ika tlen panotika ika inin kokolistli COVID-19 ikichijtika maye kachi kokoxki, tleka tlejkotika kachi kokoxkime, okitok in tekihua Miguel Barbosa Huerta.
Ikinon, In tekihua, ihkuak mononotstikatka iuan prensa keman kinilhuitikatka tlen panotika ika inin kokolistli ipan kuetlaxkuepa, okitlatlani in sihuame uan tlakame poblanotekatl ika maki patlaka imin tlanenehuilistli uan makitlahtolkakika tlen monahuatia mamochihua ipan inin kokolistli tlenpanotika; mamokahuaka ipan iminchan, makikuika kamatlapachyotl uan amo mamonoloka iuan oksekinten masehualten.
okitok tlen, inin yankuik akin kokoxki, kachi 40 katkiu ipan nepantlatepetl uan 39 ipan altepetl kuetlaxkuepa, tlen inon kiualikas maye kachi akin kikalakiske ipan se kaltepatiloyan; okinahuati tlen, mochihuas ijko kachi, ipan 20 tonalten motemitis nochin in kaltepatiloyan kanin yeske akin moneki makin pajtika.
© 2019 Gobierno de Puebla.
El Gobierno del Estado reafirma su compromiso con la promoción, respeto, protección y garantía de los derechos humanos. Por ello, todas las actividades de comunicación que realiza, se sujetan al cumplimiento y maximización de los derechos reconocidos en la Constitución Política de los Estados Unidos Mexicanos, la particular del Estado de Puebla y los Tratados Internacionales en la materia.
